Schon dapi onns è quell'idea adina puspé tema a Cuira: La caserna duai far plaz e vegnir bajegiada da nov sin il Rossboden a l'ur da la citad.
Uss, cun ils plans per gieus olimpics, è l'idea puspé sin maisa.
Uschia è previs el concept da construir cun investurs privats alloschis per fin a 1'500 atlets. Che l'idea d'ina caserna al Rossboden è dentant mai stada giud maisa ha confermà Urs Marti il president da la citad da Cuira.
Citad en discurs cun armada
El saja gia dapi in temps en discurs cun l'Armasuisse la responsabla per la caserna a Cuira. Ed el quinta che la caserna svanescha gia en tschintg fin set onns ord la citad. Uschia che la citad po duvrar il terrain nua che la caserna sa chatta il mumnet per exempel per habitaziuns ni industria. Ch'ì dettia discurs conferma er l'Armasuisse ed er ch'ì dettia in concept per tut tenor disloccar la caserna.
RR actualitad 12:00