Carmalar dapli glieud en la citad veglia

La citad veglia a Cuira duess vegnir pli attractiva e carmalar dapli glieud en lur streglias. Quai cun la nova marca communabla «Altstadt Chur».

Laschar ir video «La nova marca «Altstadt Chur»»

La nova marca «Altstadt Chur»

1:21 min, dals 2.9.2016

Fin uss fascheva mintgin en la citad veglia reclama per sasez. I deva pliras gruppas d’interess. Cun la nova marca «Altstadt Chur» sa midia quai di Roman Benker, il president da la cuminanza Obere Gasse Martinsplatz, la societad purtadra da la marca «Altstadt Chur».

I saja impurtant ch’il visitader sappia cura che las stizuns hajan avert u cura ch’i dettia vernissaschas. Perquai vegni tranter auter fatg reclama via social media, e quai da cuminanza. Actualmain sa participeschan 40 da bun 260 fatschentas a la nova cuminanza. Finamira saja dentant da persvader tantas sco pussibel, uschia Benker vinavant.

«Citad veglia na munta betg vegl»

Jacqueline Cavegn posseda gia dapi 13 onns ina boutique da resti ed accessoris en la citad veglia. Ella manegia ch’i saja impurtant da sensibilisar la glieud indigena che la citad veglia na muntia betg automaticamain vegl.

La finamira da questa nova marca è clera. Ins vul carmalar dapli glieud en la citad veglia e communitgar sco ina gronda unitad, er envers la regenza da la citad.

RR actualitad 17:00