Il zercladur 2016 aveva il cussegl da la citad approvà il project d'ina nova canorta d'uffants a Montalin. Quai dentant sut la cundiziun ch'ils custs da bunamain 2,7 milliuns francs vegnan reducids per 20%. Da nov vegn il project per radund 400'000 fr. (senza reservas) pli bunmartgà, uschia ch'i para pussaivel da tegnair en la pretensiun dal parlament da Cuira. Quai communitgescha la citad.
A Cuira crescha a moda rasanta la tgira d'uffants. En la chasa da scola Montalin ston vegnir tgirads sur mezdi fin 49 uffants ed il suentermezdi 35 uffants. Las localitads actualas na tanschan betg per pudair ademplir la dumonda, uschia scriva la citad.
Il favrer/mars duai vegnir cumenzà cun la construcziun.
RR novitads 11:00