Siglir tar il cuntegn

Ulteriur Grischun «Buyfresh» – interprendiders giuvens grischuns 2016

L'interpresa Buyfresh SA da Maiavilla ha gudagnà il premi da l’interprendider giuven grischun 2016. La plattafurma online commerzialisescha spezialitads regiunalas en l'entira Svizra. Franco Jenal e Daniel Kohler han persvas il pli fitg al quart forum d'interprendiders giuvens a la HTW Cuira.

Trais finalists, trais innovativs models da fatschenta, in victur: Franco Jenal e Daniel Kohler da la firma Buyfresh han gudagnà il premi d’interprendiders giuvens dal Grischun 2016.

Cun lur plattafurma che venda spezialitads regiunalas online, il link avra en ina nova fanestra en l’entira Svizra èn els sa mess atras cunter l’agentura Eventfieber e Professional Assistance Schlumpf, scriva il Bündner Tagblatt.

Vast sortiment culinaric

Buyfresh è dapi radund 15 mais online. Cun il slogan «Coolinahrig» porscha la stizun en l’internet products da radund 70 purschiders. Il sortiment è fitg dependent da la stagiun e cumpiglia products sco Single Malt da l’Engiadina sur charniez da delicatessa appenzellais fin chaschiel Vacherin dal Friburg.

En il focus schai adina la producziun che schanegia l’ambient e resursas e ch’è d’auta qualitad. Er la tegnida d’animals adequata a lur natira è in dals puncts centrals.

RR novitads 07:00