Siglir tar il cuntegn

Header

cuntegn

Ulteriur Grischun Buna nova da l’A13 – Cuira Nord-Zizers puspè via libra

A partir da la fin da fanadur è il traject da l'autostrada Cuira nord-Zizers puspè avert sin quatter vials e cun 120 km/h. Quai ha communitgà l’Uffizi federal per vias ASTRA. Per ils animals è la via libra gia dapi il settember 2015, grazia ad in corridor da selvaschina dad impurtanza naziunala.

La notg dals 24 sin ils 25 da fanadur vegn midà il vial sid sin il manaschi normal ed ils 29 da fanadur è era il vial nord puspè charrabel sin dus vials cun la spertadad maximala da 120 km/h.

ASTRA: «Buna nova per ils automobilists»

Uschia saja cuntanschida in’etappa impurtanta en la midada dal vial nord da l’A13 sin quel traject, scriva l’ASTRA en sia communicaziun sut il motto «buna nova per ils automobilists».

Il spustament dal vial nord ha cumenzà il 2014 e duai esser terminà suenter diversas lavurs da recultivaziun e finiziun per la fin d’atun 2018. Inclus en il project è sper il spustament dal vial e la renaturalisaziun er il corridor da selvaschina en ils conturns da «Halbmil».

Lavurs da fabrica vi dal corridor.
Legenda: Las lavurs vi dal corridor da selvaschina han durà fin il settember 2015. mad

Corridor da selvaschina signifitga via libra er per ils animals

Al corridor, che maina cun ina punt largia sur l'autostrada ed ils binaris da tren vi vegn vattribuì impurtanzanaziunala. El pussibilitescha a la selvaschina da circular dad ina vart da la Val dal Rain a tschella e contribuescha uschia al mantegniment dad ina populaziun da selvaschina sauna.

Ch’i na dettia en quella regiun nagina punt sur il Rain via franassi betg la selvaschina. Auter che binaris da tren ed autostradas saja il Rain in obstachel surmuntabel. Ils animals n'hajan betg fadia da nudar tras il Rain, ha respundì Georg Brosi, l'inspectur da chatscha chantunal, sin dumonda.

RR novitads 11:30

Artitgels legids il pli savens