Bun 85 meters lunga, passa 8 meters auta e fin 27km/h sperta

Quai è la nova ruschnera dal bogn Obere Au a Cuira. Ella è in da plirs projects che la citad vul realisar per sanar e modernisar ils implants da sport sin l'Obere Au.

Laschar ir video «La nova ruschnera dal bogn Obere Au a Cuira»

La nova ruschnera dal bogn Obere Au a Cuira

0:46 min, dals 8.9.2016

La partenza da la ruschnera è da nov sin il tetg dal bogn, ina stgala radunda maina ensi tras ina rusna en il tetg oriund. Tut è dentant serrà e stgaudà. L'arrivada n'è da nov betg pli en il bogn per nunnudaders mabain separà tranter quel e l'extrada a la part dadora dal bogn.

La nova ruschnera è dubel uschè lunga sco la veglia ed en l'intern è ella per part illuminada e i dat da vesair maletgs da squagls e da serps. L'avertura per la publicitad ha lieu sonda ils 10 da settember a partir da las 09:00.

750'000 francs

Tant ha la nova ruschnera custà cun tut las lavurs da construcziun. La ruschnera è be in dals projects ch`èn vegnids realisads vid il bogn. Il plantschieu sura è vegnì sanà per 1,1 milliuns francs ed il bogn da vapur per 160'000 francs. Actualmain vegn anc la terassa da l'ustaria sanada. Las lavurs duain tenor il manader dals iplants da sport, Markus Giger, esser terminadas la fin settember e custar radund 320'000 francs.