Siglir tar il cuntegn

Ulteriur Grischun Brugger: "Valais fa marketing dubel meglier"

La hotellaria grischuna n'ha anc betg surmuntà il schoc suenter l'aboliziun dal curs minimal da l'euro.

Legende: Video Restar optimistics e cumbatter vinavant hai gì num suenter la radunanza da delegads da hotelleriesuisse Grischun abspielen. Laufzeit 2:14 Minuten.
Or da Telesguard dals 30.01.2015.

Quai è sa mussà a la radunanza da delegads dals hoteliers a Cuira. Il president dal cussegl da turissem grischun Ernst Brugger ha drizzà clers pleds als hoteliers. Quels stoppian ussa daventar activs e vegnir pli inventivs ed innovativs.

Brugger ha tranter auter crititgà ch'il marketing na saja betg effizient e ch'ils hoteliers hajan tralaschà il turissem da stad. Tar il marketing fa Brugger per exempel la cumparegliaziun cun il Valais. Quels fetschian cun il medem budget dubel meglier marketing. Els mettian en a moda focusada ils meds, sappian pli exact per tge fieras ch’il budget vegn investì.

Il president dals hoteliers grischuns, Ernst Wyrsch è sa mussà avert per questa critica. Brugger haja dà blers buns impuls da reflectar, uschia il president dals hoteliers grischuns.