Siglir tar il cuntegn
Inhalt

Ulteriur Grischun Brischament a Zezras

A Zezras hai dà in brischament en in'abitaziun. Ina persuna è vegnida blessada fermamain. La via principala tras Zezras è pervia da quai bloccada ed il traffic vegn svià.

En questa chasa en il centrum da Zezras hai brischà.
Legenda: En questa chasa en il centrum da Zezras hai brischà. MAD

En il center da Zezras hai dà la sonda da mezdi in fieu en in'abitaziun. Cura ch'ils pumpiers èn arrivads aveva ina persuna privata gia salvà in avdant cun grevas arsentadas. Questa persuna è vegnida sgulada cun la REGA en l'ospital chantunal a Cuira e pli tard en l'ospital universitar a Turitg.La persuna privata ch'aveva salvà l'avdant è vegnì manà en l'ospital chantunal a Cuira pervi da suspect da tissientada da fim.

Impediment da traffic

La via è stada serrada durant il suentermezdi. Il traffic è vegnì manà per var duas uras e mez sur la via Vial e via Rang. Tenor il pledader da la polizia chantunala èn las abitaziuns vischinas vegnidas evacuadas. Per la notg han ils pumpiers indrizzà ina guarda da fieu.

Davart il motiv dal fieu na datti anc naginas indicaziuns.

RR novitads 14:00++