Siglir tar il cuntegn

Header

cuntegn

Ulteriur Grischun Brambrüesch va anc ina giada «Uffa»

Cun l'acziun «Nomol uffa!» vul la pendiculara a Cuira puspè attrair la glieud cun abunaments bunmartgads. Sch'ils indigens postan fin la fin da november total 1'112 abunaments da l'onn, custan els mo la mesadad.

«Nomol uffa!» è il project suandant da l'acziun «Uffa». Quella han las pendicularas lantschà avant in onn per attrair dapli glieud si Brambrüesch.

Era là vulevan els vender abunaments pel mez pretsch, sche avunda glieud postan oravant els. La mira eran 1'111 abunaments da l'onn, bunamain 1'800 han els vendì. Tenor Reto Küng, dal cussegl d'administraziun da las pendicularas, han uss 8% da quels da Cuira in abunament da l'onn.

Dapli glieud, dapli raps, dapli lavur

L'acziun «Uffa» ha procurà per ina pluna glieud. L'ultim enviern han 66% dapli giasts duvrà la pendiculara si Brambrüesch. Era questa stad s'ha mussà l'effect dad «Uffa»: circa 42'000 giasts, 4'000 dapli sco l'ultim onn. Tut quai ha procurà per ina svieuta da 2.34 milliuns – in plus da 10%.

La blera glieud ha dentant era auzà ils custs. Per persunal, mantegniment ed era per reclama pajavan els bunamain in quart dapli ch'ils auters onns. Era l'infrastructura sezza era per part al limit, manegia Reto Küng. Ils runals e la pendiculara n'èn betg disads uschè blera glieud. Perquai gievan els per part pli plaun, uschè che la blera glieud stueva spetgar.

audio
Saira: Brambrüesch: Project «Nomol uffa!»
ord Actualitad dals 19.09.2018.
laschar ir. Durada: 1 minuta 50 Secundas.

«Nus stuain renovar»

Per esser preparà per l'auter onn vegn il mument renovà il runal e la pendiculara da Känzeli fin Brambrüesch. Quai èra atgnamain planisà pir la primavaira che vain. La pendiculara da Küenzli fin Brambrüesch vegn a restar era vinavant in punct central. Tut tenor ston els remplazzar ella, cun quai ch'ella è schon relativ veglia. Co ch'ella vegn remplazzada evalueschan els il mument en in studi da realisabladad.

RR Actualitad 17:00

Artitgels legids il pli savens