Siglir tar il cuntegn
Inhalt

Ulteriur Grischun Be 20 centimeters e tuttina ina sensaziun

Sin la Forcla dal Ducan en la regiun da Tavau han paleontologs chattà in fossil d'in pitschen saur, 241 milliuns onns vegls. Or dal temp cura ch'il Grischun era anc mar ed inslas.

Legende: Video «sil punct» dals 05.07.2017 – minisaurier abspielen. Laufzeit 01:51 Minuten.
Or da RTR dals 05.07.2017.

Il pitschen saur grischun haja probabel vivì sin ina da questas inslas e saja mintgatant ì a far bogn sco quai che divers reptils fetschian quai ozendi sin las Bahamas u sin las Maledivas. Quai ha declerà l'anteriur curatur da l'institut paleontologic da l'universitad da Turitg, Hienz Furrer, mesemna durant la preschentaziun dal fossil en il Museum da la natira dal Grischun.

Gia chattà millis peschs

Sin la Forcla dal Ducan en il sid da Tavau han tschertgan ils paleontologs gia dapi 20 onns fossils - e chattan adina puspè insatge. Fin uss han els principalmain chattà fossils da peschs en differentas grondezzas fin in meter. Singuls saurs u tocca da saurs han els era chattà. Il Eusaurosphargis dalsassoi è però insatge tut spezial. El è pir il segund da quella spezia ch'ins ha chattà sin l'entir mund e schizunt l'emprim ch'è conservà cumplettamain.

Il lieu dal chat sin la Fuorcla dal Ducan.
Legenda: Il lieu dal chat sin la Fuorcla dal Ducan. Universitad da Turitg / Google

Betg vis la sensaziun

Spezial en quest cas è er ch'ils paleontologs han l'emprim mument pensà ch'il pitschen saur grischun saja in ulteriur pesch. Pir 15 onns suenter il chat han els realisà tar in'examinaziun pli exacta la sensaziun.

RR actualitad 17:00