Siglir tar il cuntegn

Header

Navigaziun

In bajetg da la HTW.
Legenda: La HTW sto uss investir daners per pudair restar attractiva er en il futur. Keystone
cuntegn

Ulteriur Grischun Be 11 milliuns francs da la Confederaziun per engrondir la HTW

La Scola auta per tecnica ed economia (HTW) a Cuira vul investir 130 milliuns francs en novas localitads per restar attractiva e savair porscher novs studis. Uss ha la Confedraziun concedì in sustegn da be 11 milliuns francs. Tant la HTW sco er il chantun avessen spetgà massivamain dapli sustegn.

Minister d’educaziun e prorectur da la HTW en trumpads

Tant il cusseglier guvernativ Matin Jäger sco er il prorectur da la HTW, Rolf Hug, èn fermamain trumpads da la decisiun da Berna.

Sco quai che omadus han ditg envers il Regionaljournal da Radio SRF, sperian els dentant ch’i dettia dapli daners da la Confederaziun, cura che la HTW inoltreschia il project definitiv. Restia la Confederaziun dentant tar quels 11 milliuns francs, stoppia il chantun probabel pajar dapli, uschia Martin Jäger vinavant.

Investiziuns en necessarias

Tenor il minister d’educaziun èn las investiziuns necessarias per che la HTW haja en l’avegnir ina schanza en la concurrenza cun las scolas autas d’auters chantuns. La concurrenza vegnia numnadamain a vegnir adina pli dira ils proxims onns.