Siglir tar il cuntegn
Inhalt

Ulteriur Grischun Bainprest lavur da dumengia legala en il Outlet a Landquart

Il chantun Grischun vegn a far en 2 fin 3 emnas la dumonda per recepir il Designer Outlet a Landquart en la nov'ordinaziun federala da la lescha da lavur.

L'Outlet a Landquart.
Legenda: L’Outlet a Landquart duai bainprest avair la lubientscha per laschar lavurar la dumengia. Keystone

Quai ha il manader da l’Uffizi per industria, mastergn e lavur Paul Schwendener confermà sin dumonda da Radiotelevisiun Svizra Rumantscha.

Basegns dal turissem èn premissa

L'ordinaziun entra en vigur il prim d'avust. Interpresas che vegnan recepidas en quest'ordinaziun dastgan prestar lavur da dumengia senza lubientscha speziala. Premissa per vegnir recepì è, che l'interpresa serva als basegns dal turissem internaziunal, e che lavureras e lavurers che prestan lavur da dumengia survegnan cumpensaziuns ch'èn pli autas che las prescripziuns legalas.

Foxtown è l'emprim center che profitescha

Vista interna dal center da cumpra Foxtown a Mendrisio.
Legenda: Uss po il Foxtown a Mendrisio era avrir las dumengias senza cuntrafar a la lescha. Keystone

Ils Foxtown Factory Stores a Mendrisio è l'emprim center da cumpra en Svizra che dastga prestar lavur da dumengia senza lubientscha speziala. Foxtown è vegnì recepì sco emprim center en la nov'ordinaziun federala da la lescha da lavur. Sco la Confederaziun communitgescha, vegnian dumondas dals chantuns per recepir ulteriurs centers examinadas cuntinuadamain.

RR Novitads 12:00