Siglir tar il cuntegn
Inhalt

Ulteriur Grischun Badigliada per la nova clinica d’uffants a Cuira

L’ospital chantunal a Cuira engrondescha la clinica d’uffants. Ed oz ha gì lieu l'emprima badigliada per il project da 67 milliuns.

La citad da Cuira ha dà la lubientscha da bajegiar l’atun 2016. Suenter che nagins recurs èn vegnids inoltrads, ha gì lieu mesemna, ils 31 da matg 2017 l'act festiv da l’emprima badigliada per la nova clinica d’uffants da l’ospital chantunal a Curia.

Questa nova clinica cumpiglia:

  • 4 plauns
  • 92 stanzas singulas
  • stanzas da scola
  • stanzas per geniturs
  • staziun intensiva
  • 1 ambulatori

Punct da custs: 67 milliuns francs. Ils planisaders quintan d’avair finì il bajetg l’atun 2019.

Rolla centrala per Svizra Sidorientala

La chasa M, uschia il num da project da la nova clinica d’uffants, ha ina gronda impurtanza per il chantun Grischun. Ella è numnadamain la suletta en l’entir chantun.

Dentant ha ella era ina rolla centrala per l’entira Svizra Sidorientala. L’ospital chantunal ha d’ademplir contractivas da prestaziun cun il chantun Glaruna, il principadi da Liechtenstein e la regiun da Son Gagl Sid.

RR actualitad 17:00