L'ovra per biomassa ha uss er anc in implant per setgentar las zinslas da lain. Cun setgentar las zinslas po l'ovra producir dapli energia perquai che lain sitg brischa megler che lain bletsch. Custà ha quai implant 11,8 milliuns francs.
WWF ha nagin plaschair
Schon avant che l'ovra era vegnida bajegiada aveva tranter auter il WWF fatg in recurs. I vegnia producì mema blers partitgels fins (Feinstaub) ch'èn nuschaivels per la sanadad. Cun il recurs han las organisaziuns d'ambient pretendì ina schliaziun che na tschuffrogna betg uschè fetg la natira.Quai saja er vegnì contonschì uschia Anita Mazzetta la manadra dal WWF Grischun. L'ovra sto reducir entaifer tschintg onns ils partitgels fins da 13 sin tschintg tonnas. Quai saja dentant anc adina massa bler. Perquai è il WWF en ina gruppa da lavur che controllescha che l'Axpo Tegra tegn er en quai ch'è vegnì reglà.
RR actualitad 17:00