Mez matg duain las lavurs da demoliziun dal bajetg vegl cumenzar. En il bajetg nov duai dar differentas stizuns sco era ustarias u biros. Las auzadas sura duain dar 42 abitaziuns modernas. Il plaunterren saja vinavant cuntanschibel tras la staziun a Cuira. I duai dar radund 6'000 meters quadrat per il commerzi en detagl e gastronomia e radund 1'500 meters quadrat per biros.
Sco l'interpresa communitgescha saja l'interess per las novas surfatschas da vendita en il plaunterren fitg grond. Per part saja l'AXA Winterthur gia en contractivas cun interessents.
Il temp da realisaziun vegn quintà cun 2 onns e mez. Il project duai esser realisà avant Nadal 2019.
Via lunga e carpusa
Ditg n'eran las duas partenarias, Foppa Finanzas SA e l'AXA Winterthur betg sa cunvegnidas pervi da distanzas, dretgs e vischins . Las duas fatschentas n'èn ditg betg sa cunvegnidas pertutgant distanzas, dretgs da vischins e pretensiuns da la citad.
Cura che questa dispita è stada a fin, hai dà in recurs cunter il project. Il directur da construcziun aveva confermà il recurs, dentant betg communitgà detagls da quest recurs.
RR novitads 16:00
