Siglir tar il cuntegn

Header

video
Trump: «Nus stuain ir communablamain enavant.» (engl.)
Or da News-Clip dals 21.01.2020.
laschar ir. Durada: 25 Secundas.
cuntegn

Avertura WEF Trump lauda l'economia americana

En ses pled d'avertura al WEF ha il president american malegià in maletg senza macla da l'economia americana. Ses pajais haja dumagnà in «grond comeback» ha ditg Trump en vista da ses trais onns d'uffizi. Ses pled da radund 40 minutas aveva in grond focus: America First.

Durant radund dus terzs da ses referat ha Trump dumbrà si sias prestaziuns economicas. El haja preschentà avant dus onns al WEF sias visiuns, quellas haja el entant realisà, uschia Donald Trump.

En ils Stadis Undis datti in boom economic maiudì.
Autur: Donald Trump President dals Stadis Unids

El sco president haja puspè dà vita als interprendiders. Cunvegnas da commerzi terminadas avant curt cun la China, il Mexico ed il Canada procurian en l'avegnir – che la conjunctura en ils Stadis Unids cuntinueschia.

«Nus avain la pli schubra aria»

En la segunda part da ses pled ha Trump era tematisà la politica dal clima. Da trair a niz novas resursas d'energia saja ina da las pli autas miras da ses pajais. Latiers tutgian er energias regenerablas. Il president american ha annunzià ch'ils Stadis Unids vegnian a sa participar a la campagna «Trillion Tree Campaign» e plantar numerusas plantas.

Nus promovin tecnologias che pussibiliteschan ina vita pli ventiraivla e pli sauna per tuts. Tema e dubis n'èn betg buns. Igl è dad esser pli optimistic.
Autur: Donald Trump President dals Stadis Unids

Gia oz hajan ils Stadis Unids la pli schubra aria e la pli schubra aua. Uschia ha el cuntraditg a numerus critichers che renfatschan als Stadis Unids da disdir en il cumbat cunter la midada dal clima.

video
Donald Trump e Greta Thunberg al WEF a Tavau
Or da Telesguard dals 21.01.2020.
laschar ir. Durada: 2 minutas 58 Secundas.

RTR novitads 14:00

Artitgels legids il pli savens