Il tren da vapur era en viadi da Cuira vers Tavau. Curt avant Tavau ha la lavina da l’alp Drusatsch tschiffà il tren da vapur. L’imposanta lavina da fin 10 meters autezza è vegnida a val en quai mument ch'il tren da persunas è charrà sperasvi.
Il chau-tren ed il stgaudader han udì ina rumplanada. Per pudair mitschar da la disgrazia ha il chau-tren anc accelerà il tren, quai dentant senza success. La pressiun da la naiv ha stgarpà l’accuplament: Il tren da vapur e quatter vaguns èn stads airi.
La lavina ha spartì il tren en duas parts. Ils dus vaguns davos èn vegnids sepulids da la naiv. La lingia da viafier è vegnida destruida sin ina lunghezza da 200 meters. Ils pumpiers da Tavau e schuldads internads da la Germania han pudì deliberar il tren aifer tschintg uras. Per diesch persunas - nov passagiers ed il chau-tren - è l’agid vegnì memia tard. Il proxim di han blers gidanters gidà da spalar liber il tren. Las lavurs da rumir eran spert fatgas. Il prim da matg 1917 charravan ils trens puspè.
Disgrazias da la Viafier retica 1927 - 1937
| 31-12-1927 | Collisiun frontala da dus trens sin il viaduct Val-Tisch |
| Il davos di dal 1927 hai dà ina collisiun frontala tranter dus trens. Il tren regiunal ch'era partì da Bravuogn è collidà sin il viaduct Val-Tisch cun il tren direct (San Murezzan - Cuira). Pervia d'in retard è la cruschada vegnida spustada. Il chau-tren è vegnì blessà grevamain, passagiers han gì be levas blessuras. Las duas locomotivas èn vegnidas donnegiadas fermamain. Era quatter chars da persunas e dus chars da bagascha èn vegnids donnegiads. | |
| 03-08-1931 | Accident sut Stugl |
| Ils 3 d'avust 1931 vegn il tren tar kilometer 68.200 sut la staziun Stugl tschiffà d'ina crudada da grippa. La locomotiva ed il char da bagascha cupitgen fin il fund da la val: il chau-tren mora. | |
| 19-03-1937 | Squatsch maina locomotiva en l'En |
| Il tren da la saira banduna la staziun da Samedan en direcziun Scuol-Tarasp. Il chau-tren dumonda pervi da grondas cuflas ina pli ferma locomotiva. Questa locomotiva vegn plazzada a la testa. Il tren banduna Zernez. Dasper il portal dal tunnel Sassel collidescha il tren cun in bloc da glatsch. La locomotiva glischna en l'En. Il chau-tren mora, ils passagiers restan senza blessuras. | |
| 28-02-1937 | Il drama da l'alp Grüm |
| La notg dals 28 da favrer sin il prim da mars 1937 capita in accident da lavina. In tecnicist e dus collavuraturs da traject moran. In tren banduna l'ap Grüm en direczun Poschiavo. Il tren chaschuna in squatsch. En quest sqautsch - be paucs meters avant il tunnel Palü - resta il tren fermà en la naiv. L'equipa d'agid emprova da cuntanscher il tren a pe. Puspè va ina lavina a val, tschintg collavuraturs vegnan tschiffads. Ina persuna po sa deliberar sezza e cloma agid. Ina persuna po vegnir salvada, las autras 3 vegnan chattadas mortas. |