En il decurs dal mardi suentermezdi haja in pur chattà in tresor sfratgà sper sia stalla a Trin, communitgescha la polizia chantunala. Paucas uras pli tard haja era chattà l'auto ch'ils delinquents avevan engulà. Las investigaziuns marschan vinavant per chattar ils delinquents.
La polizia suppona ch'i sa tractia dals medems umens ch'eran fugids la notg sin mardi, suenter ch'ina patruglia aveva vulì als fermar. I saja stà quatter umens che sajan siglids or dal vehichel e fugids.
Fugia cun auto engulà
Curt suenter las 04:00 aveva in segund auto ignorà il segn d’arretar da la polizia, questa giada a Tumein. I saja stà l’auto engulà dal parcadi d’in’interpresa a Trin, nua ch'il tresor mancava era.
RR novitads 10:00+