Siglir tar il cuntegn

Ulteriur Grischun Arrestà falsifitgader da bancnotas da 50

Suenter ch'ins ha chattà l'entschatta dal mais bancnotas da 50 falsifitgadas en la regiun da Cuira ha la Polizia chantunala entant arrestà in um da 21 onns. El haja confessà d'avair squitschà pliras notas da 50 a ses plaz da lavur.

Ina bancnota svizra da 50 en ina bursa.
Legenda: La polizia fa attent da vinavant esser precaut cun bancnotas da 50. Keystone

Las faussas bancnotas ha l'um lura per part mess en circulaziun en kioscs e fatschentas. Per zuppentar ses fastizs haja l’um plinavant mess ora bancnotas falsifitgadas en plirs lieus a Cuira.

La polizia suppona che 40 tocs sajan anc adina sin fiera. Ella avertescha perquai da vinavant esser precaut cun prender encunter bancnotas da 50. Il delinquent supponì vegn denunzià a la procura publica dal Grischun.

RR novitads 17:00