Siglir tar il cuntegn

Header

cuntegn

Ulteriur Grischun Arosa vul realisar il «Pajais d'urs»

Cun 1079 vuschs cunter 304 ha Arosa decis a favur dal «Pajais d'urs».

Intginas cifras:

Avrir la box Serrar la box
  • quatter milliuns francs custa l'entir project
  • 320'000 francs custa il manaschi mintg'onn
  • 2,5 hectaras porschan plaz a tschintg urs
  • trais tgiraders d'animals guardan dals urs
  • ina saiv da 3,20 meters circumdat il territori
  • bunamain 100'000 giasts duain ils urs attrair mintga stad

Il project turistic «Pajais d'urs» prevesa in parc d'urs da 2,5 hectaras dasper la staziun mez da la pendiculara Weisshorn ad Arosa. Ella duai porscher plazza per 5 fin 7 urs. Possessura dal terrain è la vischnanca burgaisa da Cuira.

Tant il project sco er il manaschi dal parc d'urs vegn finanzià nundeterminadamain da l'organisaziun «Vier Pfoten» e da dus donaturs privats. La vischnanca d'Arosa na porta nagin ristg finanzial.

L'avertura fiss previsa per la stad ni l'atun 2018. L'idea è naschida pervia dals ursets da Berna. Naschida era l'idea per in parc d'urs ad Arosa dal 2010.

Er ils dus ulteriurs projects da votaziun èn approvads

La revisiun parziala da la planisaziun locala «correctura da pista Vetter Traverse» ha Arosa approvà cun 1'034:245 vuschs. Quai èn 80,8% da las vuschs.

La revisiun parziala da la planisaziun locala «hotel Vetter» han els medemamain approvà, dentant pli magher cun 660 cunter 603 vuschs.

RR novitads 13:00

Artitgels legids il pli savens