Siglir tar il cuntegn

Ulteriur Grischun Arosa: Skiunz da variantas mora dasper las pistas uffizialas

In skiunz da 55 onns è sa disgrazià la dumengia ils 03 d’avrigl ad Arosa cun ir cun skis dasper las pistas. L’um da la Bassa n’era betg turnà a chasa la saira uschia ha sia dunna annunzia el sco sparì.

Ina tavla ch'avertescha dal privel da lavinas.
Legenda: Dasper las pistas regia anc adina per part privel da lavinas. Keystone

Suenter che l'um n'era betg cuntanschibel cul telefon aveva sia dunna annunzià el tar la polizia chantunala sco sparì. Il servetsch da salvament da las Pendicularas Arosa ha alura chattà l'um la notg sin glindesdi mort en ina lavina. Sco la polizia chantunala scriva, mussian emprimas infurmaziuns che l'um saja vegnì sur la Aroser Alp en ina lavina, cura ch'el aveva bandunà las pistas segiradas.

RR novitads 11:00