Il vaporisader saja explodì curt avant l’ina, scriva la polizia vinavant. L’explosiun haja mess en fieu il grass ch’el cuntegneva e quel haja tutgà la dunna vi dal corp sura ed en fatscha e causà grevas arsas.
In medi, ch’era per cas sin il lieu, ha pudì dar emprim agid. Suenter è la dunna vegnida transportada cul salvament da pista e lura cun l’ambulanza en il ospital chantunal a Cuira. La polizia investighescha l’accident.
Sin la fotografia, che la polizia ha tramess tar la communicaziun da medias, sa vesa il lieu, nua ch’il vaporisader era – numnadamain gist sper in salamander, ina maschina da cuschina chauda.
RR novitads 20:00