Siglir tar il cuntegn

Header

Navigaziun

In sguard en cuschina.
Legenda: La situaziun da l'accident reconstruida da la polizia. mad, PoCha
cuntegn

Ulteriur Grischun Arosa: Accident da lavur en cuschina – dunna ferida grevamain

La cuschinunza saja stada la dumengia a mezdi a cuschinar en in restorant da muntogna, cura ch’il vaporisader saja explodì, ha communitgà la polizia chantunala.

Il vaporisader saja explodì curt avant l’ina, scriva la polizia vinavant. L’explosiun haja mess en fieu il grass ch’el cuntegneva e quel haja tutgà la dunna vi dal corp sura ed en fatscha e causà grevas arsas.

In medi, ch’era per cas sin il lieu, ha pudì dar emprim agid. Suenter è la dunna vegnida transportada cul salvament da pista e lura cun l’ambulanza en il ospital chantunal a Cuira. La polizia investighescha l’accident.

Sin la fotografia, che la polizia ha tramess tar la communicaziun da medias, sa vesa il lieu, nua ch’il vaporisader era – numnadamain gist sper in salamander, ina maschina da cuschina chauda.

RR novitads 20:00