Arosa accepta revisiun da planisaziun locala

Il suveran d'Arosa ha ditg gea a la revisiun parziala da la planisaziun locala da la chasa da tgira Surlej. 58,4% da las votantas e dals votants han approvà il project.

La vopna d'Arosa.

Legenda da maletgs: La vopna d'Arosa. RTR

Cun midar la planisaziun locala vegn l'anteriura chasa da tgira Surlej en la zona dal vitg. Quai lubescha a la Fundaziun Surlej da pudair vender pli char il bajetg. Il retgav va en favur dal nov center d'attempads ch'è vegnì avert l'atun 2014.

Il parlament d'Arosa aveva approvà il november passà unanimamain la revisiun parziala da la planisaziun locala da la chasa da tgira Surlej. Quella cumpiglia il plan da zona 1:10'000 ed il rapport da planisaziun e da cooperaziun.