Siglir tar il cuntegn
Inhalt

Ulteriur Grischun Armin Kohler elegì en la suprastanza da Malans

A Malans è da nov Armin Kohler en la suprastanza communala. La radunanza ha elegì il pur sco successur da Martin Kocsi che ha demissiunà.

vopna da Malans
Legenda: RTR

Plinavant ha la radunanza communala approvà il quint 2014 che serra cun in gudogn da 22'000 francs tar entradas totalas da 11,2 milliuns francs. Er il preventiv 2016 che quinta cun in gudogn da 440'000 francs è vegnì approvà.

140'000 francs per pumptrack

Ultra da quai ha il suveran er concedì in credit da 370'000 francs per sanar la Nuttgasse e 140'000 francs per construir in implant da pumptrack, in percurs da velos.

RR novitads 10:00