Siglir tar il cuntegn

Header

video
Anna Laura Klucker: Nagut a mesas
Or da Battaporta dals 07.01.2018.
laschar ir. Durada: 14 minutas 33 Secundas.
cuntegn

Ulteriur Grischun Anna Laura Klucker - Nagut a mesas

Anna Laura Klucker – ina dunna cun blers talents e grondas ambiziuns.

Uschia n'è la dunna da Tumein betg mo la meglra tiradura da sport grischuna, mabain era - ensemen cun ses chor «incantanti» - giuvna campiunessa europeica da l'onn 2017.

Il pli fitg batta ses cor dentant per il crear vestgadira. Gia sia mesa vita cusa la dunna da 23 onns. Ses emprim dretg vestgì ch'ella ha cusì è stà ses vestgì da confirmaziun - il start da sia carriera. Dapi lura n'ha ella mai pli cumprà in vestgì per in'occurenza.

Per ses bachelor a la Scol'auta dals arts a Turitg da quest onn ha ella cusì l'emprima giada en sia vita ina entira collecziun. E quella collecziun è er stada quai che ha midà tut per ella. Dapi quella collecziun ha ella il siemi da mo anc far moda e viver da quai.

Uschia ha ella interrut ses studi e sa mess ina deadline. In onn ha ella temp per chattar or, sche quai pudess funcziunar cun ses label da moda. Emprender a conuscher la dretga glieud, far enconuschent ses label, cuser pliras collecziuns e preschentar quellas a la publicitad.

E per che quai gartegia, dat Anna Laura Klucker tut ed Anna Laura Klucker na fa nagut a mesas.

Lavur da diplom

Avrir la box Serrar la box

Quest artitgel tutga tar la lavur da diplom per la scola da schurnalists MAZ a Lucerna, che Donatella Bonifazi visita.

Ina dunna che viva gia il semi

Ina dunna che viva gia il semi dad Anna Laura Klucker è Manuela Gobetti-Lutz. La dunna oriunda da Rabius maina cun success dus fatschentas da moda e dat lavur a pliras collavuraturas. Tge tips ch'ella dat ad ina designera giuvna, che vul era cuntanscher quai:

video
Bonifazi Donatella - Manuela Gobetti
Or da RTR dals 09.01.2019.
laschar ir. Durada: 4 minutas 27 Secundas.

RR Telesguard 17:40

Artitgels legids il pli savens