Siglir tar il cuntegn

Header

Navigaziun

cuntegn

Ulteriur Grischun Amez la chava da glera: in spazi biodivers

La chava da glera a Vaz Sut ha creà in spazi biodivers. Gest sper la chava è vegnì creà in areal plain biotops – dentant betg dal tut voluntari.

En Grischun sto mintga chava da glera cumpensar la natira che vegn donnegiada entras las lavurs. En tscherts chantuns è la surfatscha che sto vegnir cumpensada dada avant. En il chantun Grischun survegn mintga chava da glera sias atgnas perscripziuns. La chava da glera a Vaz Sut ha creà ina cuntrada cun biotops che duai regurdar vid la cuntrada sper il Rain. En tut ina surfatscha in zic pli gronda ch'ina plazza da ballape.

Gia survegnì in certificat

La chava da glera a Vaz Sut ha gia survegnì dus certificats da la fundaziun da natira ed economia Svizra. Ils certificats onureschan la chava per l'areal fitg datiers a la natira. Il responsabel da la chava da glera Ursin Zaugg è losch da lur lavur. El vesa adina puspè cun tge anim che ses lavurers lavuran vid il project.

RR actualitad 12:00