Siglir tar il cuntegn

Ulteriur Grischun Al «Black Friday» cun bursa plaina

14 milliardas francs: Tant è sin il conto da la pli ritga Grischuna. Quel conto tutga a Charlene de Carvalho-Heineken. Sco il num inditga è ella en il cussegl d’administraziun dal gigant da bavrondas Heineken.

bursa cun bancnota da tschient
Legenda: Dal «Black Friday» vulan er las butias svizras profitar. Keystone

Cun tants raps sa pudessan ins construir ina tur da bancnotas da radund 1,4 kilometers autezza. Ed era al «Black Friday» pudessan ins cumprar bunamain tut las offertas.

Anc in import dals stadis unids

Il «Black Friday» è in’invenziun dals Stadis Unids. Quel ha lieu mintg’onn il venderdi suenter Thanksgiving, la festa da racolta en America. Quest di vegn passentà ensemen cun la famiglia, il punct culminant è per il solit in galdin brassà sco tratga principala.

Tut auter il di suenter, il «Black Friday». Quai è il prim di da la stagiun da Nadal. Las butias sbassan ils pretschs e la glieud va bunamain plain panica a la tschertga dals ‘schneplis'. Mintg’onn datti divers blessads. Ils «chatschasgnappets» fan per part dispita per in object.

En Svizra n’è quai anc betg uschè extrem. Las butias han avert enfin las 23:59 uras ed ellas profitan mintg’onn da blers clients. Ma adatg: Betg mintga artitgel è pli bunmartgà.

RR actualitad 17:00