Siglir tar il cuntegn
Inhalt

Ulteriur Grischun Ad Arosa è mort in skiunz

L’um era sonda saira en viadi cun dus cumpogns da la Carmenna-Bar en direcziun val. Sco che la polizia chantunala ha communitgà è el lura cudà en ina foppa giud pista.

Rega.
Legenda: La Rega ha be anc pudì constatar la mort da l’um (maletg da simbol). Keystone

L'um ha passentà la fin d'emna cun ses dus collegas ad Arosa. Cun ils skis era el la sonda saira en viadi cun ses dus collegas en direcziun val. Ses dus collegas eran en viadi a pe a l'ur da la pista cura ch'els èn var las 19:00 crudads en la naiv festga. L'um da 41 onns è lura ids sulet vinavant. Curt suenter è el crudà en ina foppa giud pista. Ils cumpogns han empruvà da reanimar el.

Cur che la Rega è arrivada ha ella be anc pudì constatar la mort da l’um. La polizia e la procura publica sclereschan ussa co che l’accident è capità.

RR actualitad 14:00