Siglir tar il cuntegn
Inhalt

Ulteriur Grischun Accident mortal cun aviun ad Arosa

Datiers d'Arosa è in aviun pitschen crudà giu la sonda. Duas persunas èn mortas.

Legende: Video Video vom 25.03.2018, 17:42 abspielen. Laufzeit 00:41 Minuten.
Or da Actualitad video dals 25.03.2018.

Tar ina show da sgular ad Arosa è la sonda suentermezdi crudà giu in pitschen aviun. Duas persunas èn mortas tar l'accident. Ils passagier da 60 onns è mort al lieu ed il pilot da 70 onns è lura mort èn il spital d'universitad a Turitg.

Sbagl da partenza

Tenor las indicaziuns da la polizia n'ha il pitschen aviun betg pudì partir endretg ed è collidà cun cordas d'atschal a la fin da la pista da partenza. Tras la collisiun è il pitschen aviun cupitgà ed ha chaschunà in incendi. L'incendi ha pudì vegnir stizzà dals preschents ed ils passagiers han pudì vegnir salvads or da l'aviun cun in indriz spezial. Las blessuras èn dentant stadas memia grevas.

La Polizia chantunala, la Rega, ils pumpiers d'Arosa, l'Alpinmedic Arosa ed il Care Team grischun èn stads en acziun. La cumpetenza da las investigaziun suenter in accident da sgol ha la procura publica federala.

RR novitads 21:00