Accident mortal a Domat

La gievgia suentermezdi hai dà in grev accident da lavur a Domat. In montader sanitar da 27 onns è mort.

Helicopter da la Rega

Legenda da maletgs: Il giuven è mort al lieu d'accident. Keystone

Sco quai che la polizia chantunala scriva era l'um vid las lavurs finalas en il liber per ina lingia d'aua. Tar la controlla usitada da la pressiun e l'isolaziun ermetica è schluppà in toc da colliaziun. Entras la sfessa en il bischen è sortì ina maschaida d'aua ed aria che ha tutgà il lavurer vid il chau. Malgrà l'agid spert è l'um mort anc en il lieu da l'accident.

RR novitads 10:00