Siglir tar il cuntegn
Inhalt

Ulteriur Grischun Accident mortal a Cuira

Sin la via principala gist a l’entrada en la citad da Cuira èsi vegnì oz tar in accident mortal, quai suenter ina collisiun frontala d’in auto da persunas cun in bus da la citad, quai communitgescha la polizia da la citad da Cuira.

Purtret da l'accident.
Legenda: A l'entschatta da la citad da Cuira hai dà in accident mortal. MAD, Polizia chantunala

Il manischunz da 52 onns era da viadi da Domat en direcziun da Cuira. Sin l’autezza Plankis èsi vegni tar la collisiun frontala cun in bus da Cuira. Il manischunz è mort anc al lieu d’accident, la cunpassagiera e plirs passagiers dal bus èn sa blessads.

L’accident vegn uss examinà. Pervi da las lavurs da salvament ha la polizia stuì serrar la Emserstrasse per radund duas uras en omaduas direcziuns. En acziun è stada la polizia da la citad, la polizia chantunala, la procura publica grischuna, e las equipas da salvament cun duas ambulanzas, sco era ils pumpiers.

RR novitads 17:00