La collisiun è capitada en il lieu nua che l'autostrada n'è betg separada e maina sulet sin dus vials. Ina automobilista ucranaisa da viadi cun ses um da l’Italia en il nord è collidada cun l’auto d’ina dunna grischuna cun ses uffant da trais onns ch'era da viadi da Cuira a Tusaun.
Auto ha piglià fieu
L’auto ord l’Ucraina ha piglià fieu suenter la collisiun frontala. Pliras persunas betg cumpigliadas en l’accident han alura pudì tegnair sut controlla il fieu fin che las forzas da salvament eran al lieu. 20 pumpiers da Cuira han lura pudì stizzar il fieu e liberar in cunpassagier ch'era bloccà en l’auto. Tut las quatter persunas cumpigliadas en l’accident èn vegnidas transportadas cun blessuras grevas en l’ospital chantunal a Cuira. Pervia da l'accident è l'autostrada stada serrada durant radund trais uras.
RR novitads 12:00