Siglir tar il cuntegn

Ulteriur Grischun A13 tar Landquart – collisiun da quatter autos

In automobilist imprudent ha causà il glindesdi saira tar la sortida da l'A13 per Landquart ina collisiun da quatter autos. Quai communitgescha la polizia chantunala. I n'haja dà nagins blessads.

Il lieu da l'accident.
Legenda: Il lieu da la collisiun curt avant Landquart – in'admoniziun electronica da la polizia renda attent al privel da colonnas en quest lieu. mad, polizia chantunala

In automobilist (47) ch'era en viadi il glindesdi saira sin l'A13 en direcziun nord n'aveva betg realisà, ch'il traffic tar la sortida da Landquart sa stagnava – e quai malgrà l'admoniziun da colonnas electronica, scriva la polizia chantunala.

Cur che l'automobilist vuleva sortir da l'autostrada è el collidà perquai cun l'auto sin il vial da sortida e sinaquai cun in segund che charrava sin il vial normal. Lez auto è lura collidà cun in quart sin la sortida direcziun Landquart.

Perquai ch'il traffic ha stuì vegnir manà sin be in vial dasper l'accident vi hai dà colonnas.

RR novitads 15:00