Siglir tar il cuntegn
Inhalt

Ulteriur Grischun A13: Puspè 120 sin vial vers sid

Il vial sid da l'autostrada A13 tranter Cuira Nord e Zezras è puspè charrabel sin dus vials e cun 120 kilometers l'ura.

Uschia sa preschenta l'A13 actualmain tranter Zezras e Cuira Nord.
Legenda: Uschia sa preschenta l'A13 actualmain tranter Zezras e Cuira Nord. RTR

Il vial sid da l'autostrada A13 tranter Cuira Nord e Zezras è puspè charrabel sin dus vials e cun 120 kilometers l'ura. La midada è stada la notg passada. Ussa datti anc insaquantas lavurs da finiziun vid il vial nord, uschia che quel po era midar ils proxims dis sin il manaschi normal.

Lavurs anc betg a fin

Sco l'uffizi federal per vias, Astra communitgescha durian las lavurs da finiziun vid il project entir anc fin l'atun dal 2018. Ils custs totals èn budgetads cun 100 milliuns francs.

Abitants èn cuntents

Davant il vial vegl, davos l'autostrada uss.
Legenda: Davant ils rests dal vial vegl, davos l'autostrada uss. RTR, Prisca Bundi

Ils da Trimmis ch'avevan avant l'autostrada quasi avant chasa èn cuntents ch'il vial vers nord è uss sper quel vers sid. Uschia han els bler pli pauca canera ch'avant. Persuenter n'han els betg pli la sortida directa dal vial dal nord tar il vitg. Quai na saja dentant betg uschè nausch manegian ils dumandads. Els sajan gia el decurs dal davos onn s'endisads vidlonder, lura è il vial dal nord numnadamain gia vegnì spustà sper quel vers sid ed uschia è er la sortida svanida. Quai prendian ins gugent en cumpra per uschia avair pli pauca canera manegian ils da Trimmis.

RR actualitad 12:00