Siglir tar il cuntegn

Ulteriur Grischun A Tavau tutgan ils zains er vinavant durant la notg

Il tutgiez da la baselgia da Son Gion na vegn betg serrà giu durant la notg. La plaiv ha refusà il recurs da duas persunas.

Vista sin Tavau Plaz cun la baselgia Son Gion.
Legenda: Ils zains a Tavau Plaz vegnan er ad esser d'udir en futur durant la notg. Keystone

La radunanza da la plaiv evangelic-refurmada da Tavau ha gì da decider il glindesdi saira davart dus recurs: In hotelier sco er in possessur d'ina abitaziun da vacanzas avevan reclamà pervi dal tutgiez da la baselgia Son Gion durant la notg. Quai scriva il Bündner Tagblatt.

Ils recurs èn vegnids refusads unanimamain da las 51 persunas cun dretg da vuschar. Las raschuns sajan aspects teologics, tradiziun culturala e las reacziuns da la populaziun da Tavau, vegn il vicepresident da la plaiv, Andrea Trepp, cità en la gasetta.

RR novitads 08:00