Siglir tar il cuntegn

Header

cuntegn

Ulteriur Grischun A scola cun il scooter

Intginas scolas grischunas han supplitgà geniturs ed uffants da desister dal scooter sco med da traffic per la via da scola. Uschia lessan las scolas evitar accidents sin las vias magari privlusas.

audio
Bunura: Scooters en scola: tge è lubì, tge betg?
ord Actualitad dals 06.10.2015.
laschar ir. Durada: 3 minutas 31 Secundas.

Tenor la BfU (il post da consultaziun svizzer per la prevenziun d'accidents) na possian las scolas betg scumandar il diever dals scooters, dentant cusseglia era quest post da desister dals scooters. En Svizra hai dà ils davos 4 onns 128 accidents cun scooters, 37 da quels cun grev-blessads.

A Cuira porscha la polizia da la citad instrucziun cun scooters per ils scolars da l’emprima fin la terza classa. Ina lescha da traffic per scooters datti dentant pir dapi 10 onns en Svizra. Dapi lura valan per ils utilisaders dals scooters ils medems dretgs sco per ils peduns. Ils scooters han dentant da prender resguard sin ils peduns.

Artitgels legids il pli savens