A Jenaz en Partenza è rut ora oz a las 12.28 uras in fieu en in’ustaria. Ils pumpiers èn stads al lieu cun 35 umens ed han gì spert il fieu sut controlla, quai scriva la polizia chantunala. Uschia ha pudì vegnir evità ch'il fieu ha piglià ulteriurs bajetgs. Tenor emprimas examinaziuns è il fieu rut ora en ina localitad da biro en l'emprima auzada. Persunas n'èn betg vegnidas blessadas. Il donn na po anc betg vegnì calculà. La polizia ha prendì si investigaziuns per sclerir il motiv da l'incendi.
RR novitads 18:00