Siglir tar il cuntegn
Inhalt

Ulteriur Grischun A Cuira èn ruts 3 bischens d’aua

La citad da Cuira è confruntada cun gist trais bischens d'aua ruts. Sco quai ch'ils manaschis industrials da Cuira IBC han confermà, sajan rut bischens d'aua en l'Austrasse, la Montalinstrasse e la Tittwiesenstrasse.

Legende: Video Entirs quartiers a Cuira senz'aua abspielen. Laufzeit 01:23 Minuten.
Or da Actualitad video dals 28.12.2015.

Guido Calörtscher, il manader da «construcziun e mantegniment» da la IBC, ha communitgà detagls tar las trais ruttadiras:

Austrasse

Il donn è succedì durant la notg da la dumengia sin il glindesdi. 30'000 liters aua/minuta sajan culads ora. En consequenza n'ha l'entir quartier vischinant betg gì aua durant intginas uras. Sco la IBC communitgescha, è il donn vi da la lingia raparà, uschia ch'il provediment d'aua è segirà.

En in tschaler ed ina garascha en la vischinanzà era culà aua che ha stuì vegnir pumpada davent. La summa dals donns munta totalmain a radund 65'000 francs (bischen e via). La via resta serrada per ils proxims dis, enfin che las reparaturas èn terminadas.

Tittwiesenstrasse

Ina lingia d'aua è rutta il glindesdi. Il donn da reparatura munta tenor schazetg a radund 10'000 francs. Entras la ruttadira è il catram da la via vegnì auza.

Montalinstrasse

Ina lingia d'aua è rutta il glindesdi. La reparatura dal bischen n'è aunc betg terminada e custa medemamain radund 10'000 francs.

Las raschuns per las trais ruttadiras n'è betg enconuschentas. Tenor Calörtscher sajan tals cas dentant «normal». I saja casualitad, che gist trais bischenens sajan ruts quasi a medem temp.

RR novitads 10.00 / 11:30