Siglir tar il cuntegn

Header

Navigaziun

Stan a la messa per milliunaris a Moskau (2010).
Legenda: La messa per milliunaris a Moskau (2010). Keystone
cuntegn

Ulteriur Grischun 80 persunas possedan tant sco 50% da la populaziun

1% da la populaziun mundiala vegnan ad avair il 2016 dapli facultad ch'ils 99% restants ensemen. Quai ha ditg l'organisaziun d'agid britannica Oxfam avant l'entschatta dal forum mundial d'economia WEF a Tavau.

Questa repartiziun ineguala impedeschia il cumbat cunter la paupradad. Tenor il studi ha il procent il pli ritg possedì il 2009 44 % da la facultad, il 2014 era quai gia 48 % e l'onn proxim vegn cuntanschì la marca da 50%.

In ulteriura calculaziun mussa che las 80 las pli ritgas persunas dal mund possedan tant sco ils 50 % dals povers dal mund. La facultad da questas persunas è sa dublegiada dal 2009 fin il 2014.

Per evitar in ulteriur augment da l'inegualitad ha Oxfam tranter auter pretendì dals stadis da cumbatter guntgidas e fugias da taglia, l'introducziun da pajas minimalas e da meglierar ils servetschs publics.

RR novitads 10:00