Siglir tar il cuntegn
Inhalt

Ulteriur Grischun 80'000 visitaders a la festa da Cuira

Tenor il comité d'organisaziun saja la festa stada malgrà intgins uradis in success. La polizia da la citad attestescha a la festa d'esser stada cun 18 intervenziuns per gronda part paschaivla.

Impressiun da la festa da Cuira 2016.
Legenda: Impressiun da la festa da Cuira 2016. mad

Var 60 uniuns han procurà per il bainstar dals visitaders. Quai cun spaisas e musica. Ils highlights da quest onn èn stads tranter auter il prolog da biatlon sin l'Arcas, il festival da cultura al Hegisplatz ed il paradis per uffants sin la plazza da la posta.

Andrea Thür, presidenta dal comité d'organisaziun ed Emil Gartmann da la polizia da la citad.
Legenda: Tiran in facit positiv: Andrea Thür, presidenta dal comité d'organisaziun ed Emil Gartmann da la polizia da la citad. RTR, Fabia Caduff

Vendì 3'000 bindels

Sco il comité d'organisaziun scriva, sajan vegnids vendids 3'000 bidels da sustegn per la festa da Cuira. La lantschada dals bindels saja uschia gartegiada. Er las reacziuns dals visitaders e da las visitadras sajan stadas tuttavia positivas. Cura ch'ils organisaturs han lantscha l'acziun dals bindels, era la finamira dentant da vender var 7'000 bindels.

RR novitads 17:00