Siglir tar il cuntegn
cuntegn

Ulteriur Grischun 60avla Higa - in success

Ils organisaturs quintan cun circa tuttina blers visitaders sco l'onn passà. En media haja dà radund 5'000 visitaders a di.

Marco Engel, il schef da l'exposiziun Higa
Legenda: Marco Engel, il schef da l'exposiziun è cuntent RTR

La media dals visitaders correspundia a quella d'auters onns, e quai malgrà la bell'aura dals ultims dis, ha confermà il schef da la Higa, Marco Engel. Passa 50'000 persunas hajan visità l'exposiziun. Er la gronda part dals expositurs saja cuntenta. Ils emprims dis haja gì dapli visitaders pervi da l'aura.

Nagins incaps pli gronds

Fitg cuntents èn stads ils organisaturs cun la party da la Higa nua ch'i n'ha praticamain dà nagins incaps. Quai saja daditg betg stà il cass pli.
La Higa è ida a fin sonda saira cun il concert da la band lucernaisa Hecht.

RR novitads 8:00