Siglir tar il cuntegn
cuntegn

Ulteriur Grischun 60 novas plazzas da lavur hightec a Cuira

L’interpresa da hightec Oblamatik planisescha da bajegiar in nov center sin l’areal Rossboden a Cuira. Il center d’innovaziun e tecnologia vegn a custar 20 milliuns francs.

Legenda: Guardar il video Oblamatik – ina firma da Cuira ha gronds plans d’expansiun. Durada 02:41 minutas.
Or da Telesguard dals 10.11.2016.

Actualmain lavuran 40 persunas per l’interpresa Oblamatik a Cuira, cun il nov bajetg vegnan 60 ulteriuras plazzas stgaffidas, sco l’interpresa scriva. Cumenzà aveva tut avant bainprest 20 onns cun duas persunas.

La Oblamatik vul reunir en ses nov bajetg sias partiziuns da perscrutaziun, da svilup e da producziun. Ed il bajetg duai esser dal pli modern pussaivel quai che pertutga l’ergonomia da lavur e dals differents pass da la perscrutaziun fin a la producziun, sco l’interpresa grischuna scriva.

L’interpresa è activa sin livel internaziunal, ed è l’emprima adressa quai che pertutga il svilup da tecnologia da sensurs per il martgà sanitar. Il nov center d’innovaziun da Oblamatik duai esser pront la primavaira 2019.

RR novitads 14:00