Siglir tar il cuntegn
Inhalt

Ulteriur Grischun 6 lufs giuvens al Calanda

Per la 5avla giada en seria è il triep dals lufs al Calanda sa reproducì. Ils geniturs da la pli nova generaziun da lufs èn F07 e M30.

Ina fotografia stgira cun 14 egls.
Legenda: La cumprova d’existenza - l’unica fotografia dals 6 lufs giuvens novs dal Calanda, qua cun in animal grond. MAD

Sco quai che l'Uffizi da chatscha e pestga dal Grischun communitgescha han pliras fotografias d'ina trapla fotografica pudì confermar las observaziuns che sajan vegnidas annunziadas da persunas privatas.

Sin basa da las fotografias èsi da far quint cun almain sis lufs giuvens. Ils ultims quatter onns avevan ins mintgamai pudì observar tschintg fin set lufs giuvens en il decurs da l'atun.

En la vegliadetgna tranter diesch mais e dus onns bandunan il lufs giuvens il triep per tschertgar in agen revier. Perquai dumbra il triep dal Calanda constantamain otg enfin diesch lufs.

RR novitads 10:00