Siglir tar il cuntegn

Ulteriur Grischun 4 milliuns dal chantun per il center da perscrutaziun a Landquart

La regenza communitgescha ch'ella sustegn il «Center svizzer d'electronica e da microtecnologia SA».

Producziun da biosensurs electrochemics.
Legenda: Tranter auter vegnan biosensurs electrochemics stampads a Landquart. MAD

En il rom d'ina nova cunvegna da prestaziun cun il «Center svizzer d'electronica e da microtecnologia SA» ha la regenza garantì al center a Landquart ina contribuziun chantunala da totalmain quatter milliuns francs per ils onns 2018 fin 2021.

Ulteriurs 4 milliuns

Vitiers vegn ina contribuziun d'ultieriurs quatter milliuns francs. Quai en rom da la nova politica regiunala. Ina mesadad da quels daners contribuescha il chantun, tschella mesadad la Confederaziun.
Il center da perscrutaziun Landquart gioga ina rolla impurtanta en il process d'innovaziun da las interpresas regiunalas da tecnologia. Il center augmentia uschia la schanza che ulteriuras fatschentas d'auta tecnologia sa domicilieschan en la regiun.

RR novitads 09:00