Siglir tar il cuntegn

Ulteriur Grischun 170 rutas da raiver sut in tetg

A partir dals 31 d’avust ha Cuira ina nova halla da raiver. Sin totalmain 2'000 meters quadrat paraids da raiver pon ins raiver cun e senza suga. Las pli autas paraids èn 15 meters autas ed èn colliadas cun in artg al tetg sura.

Da la surfatscha da raiver anora è la nova halla da raiver dubel uschè gronda sco la veglia halla che sa chatta paucs meters dasperas. Er en cumparaziun svizra tutga ella uss tar ina da las pli grondas, sco il schef Paul Sennrich ha ditg envers Radio Rumantsch.

Legende: Video Ap’n Daun? Big’n New! La nova halla da raiver a Cuira abspielen. Laufzeit 2:59 Minuten.
Or da Actualitad video dals 12.08.2015.

La nova halla da raiver porscha il suandant:

  • ina gronda halla da raiver cun paraids fin 15 meters autezza
  • ina pli pintga halla per scolaziun e gruppas
  • ina paraid da nov meters autezza en il liber
  • 2 stanzas da bouldrar (raiver sainza suga) cun ina autezza da 4 meters

Las 170 routas ch’èn uschia pussiblas sa drizzan ad amaturs, dentan era a raviders ferms. Ils 31 d’avust duai la nova halla arver sias portas. Quai punctualmain sin il di che la veglia halla da raiver dad Ap’n Daun vegn stgarpada giu.