Siglir tar il cuntegn
Inhalt

Ulteriur Grischun 10 dis - 10 onns staziun da Cuira

I ha duvrà pazienzia enfin ch'igl è stà uschè lunsch e Cuira ha gì ina nova staziun avant 10 onns. Ideas hai dà bleras - bleras èn dentant restadas be sin palpiri.

Legende: Video 10 dis - 10 onns staziun da Cuira abspielen. Laufzeit 01:38 Minuten.
Or da sil punct dals 17.08.2016.

L'onn 1980 ha il suveran da Cuira per exempel refusà in project per renovar la staziun be cun 165 vuschs differenza. Planisà era in center da cumpra, ina staziun d'auto da posta ed in grond parcadi.

Be 6 onns pli tard è il proxim project sin maisa: Il project «Connection» preveda in grond tetg da vaider sur l'areal ed in tunnel per il tren vers Arosa. Questa giada accepta la populaziun da Cuira la proposta - 10 onns pli tard vegn dentant il NA da Berna: I na dat nagins daners da la confederaziun.

Sin resistenza frunta era l'idea «Revival». In comité rimna suttascripziuns cunter ils plans da stgarpar giu il bajetg vegl da la staziun, uschia ch'ils responsabels da la citad laschan crudar l'idea l'onn 1999.

Be in onn pli tard funcziuna quai lura: Il biro d'architectura da Conradin Clavuot vegn incumensà cun las lavurs per ina nova staziun da Cuira. Quella vegn averta l'onn 2006 ed inaugurada uffizialmain dus onns pli tard.