Siglir tar il cuntegn

Header

Navigaziun

La via principala tras il vitg da Domat.
Legenda: La via principala tras il vitg da Domat. RTR, M. Candrian
cuntegn

Ulteriur Grischun 1’022 tar 1’160 a Domat

Magdalena Martullo-Blocher ha fatg a Domat suletta prest uschè bleras vuschs sco Beatrice Baselgia ed Angela Casanova ensemen.

Las 1’022 vuschs da Martullo-Blocher fan surstar en vista a las 1’160 vuschs da la presidenta communala e da la suprastanta communala.

La glieud sin via ha manegià, che Magdalena Martullo-Blocher haja il bonus da la Ems Chemie, e fetschia uschia il pli bler per la vischnanca da Domat.

La presidenta communala fetschia buna lavur, l’elecziun saja dentant stada sin champ naziunal. Vinavant hai gì num sin via a Domat, che Angela Casanova saja stada memia pauc enconuschenta en il cumbat electoral, malgrà ch’ella saja en suprastanza communala.