Tge capita cun mes raps da lotto?

1,5 milliuns cedels da lotto èn vegnids inoltrads per la runda da lotto la mesemna passada. Ed er questa giada vegn la participaziun ad esser gronda sch’i va per ils 70 milliuns. Ils raps na van dentant betg tuts en il proxim jackpot. D’ina bella part po numnadamain profitar la populaziun.

 Ils diesch francs da lotto van als suandond lieus.

Legenda da maletgs: Ils diesch francs da lotto van als suandant lieus. RTR / Matthias Wolf


Tge capita cun mes 10.-

1:36 min, Actualitad dals 16.12.2016

Silmain tschintg francs ston ins investir per pudair giugar il lotto svizzer. Quai èn duas propostas da cifras. Mintga ulteriura proposta custa 2.50 francs en pli. Sch'insatgi gioga per diesch francs (quatter propostas) lura van ses raps a suandants lieus:

Nua van mes raps sche jau giog per 100.- lotto? Swiss Lotto

Il lotto svizzer sustegna projects regiunals

Il fond da lottaria svizzer ha pudì contribuir l'onn 2015 327 milliuns francs a numerus projects gronds e pitschens en Svizra. Il fond da lotto vegn repartì tenor chantuns. Il fond da lotto grischun ha uschè gì a disposiziun l'onn passà 11,5 milliuns francs.

Fond da lotteria Grischun: Tgi ha survegnì quant dals 11'422'847 francs l'onn 2015 Swiss Lotto