Zonas da ruaus per las selvaschinas

Plauncas plain naiv, tschiel blau e ruaus – quai è in siemi per persunas che van cun skis e gianellas e fan turas. Mo per las selvaschinas po quai esser in problem.

Ina tabla che marca la zona da ruaus.

Legenda da maletgs: Ina tabla che marca la zona da ruaus. Daniel Bundi, guardiaselvaschina da Medel

In corridor per traversar la zona da ruaus.

Legenda da maletgs: In corridor per traversar la zona da ruaus. Daniel Bundi

Perquai datti 244 zonas da ruaus en il Grischun. En la Val Medel per ex. datti duas zonas. Quellas ha la vischnanca fixà là nua che las selvaschinas èn savens l’enviern perquai ch’i dat sulegl e nua ch’ils sportists van gugent. I dovria talas zonas per proteger las selvaschinas, di il guardiaselvaschina da Medel Daniel Bundi, perquai ch’il spazi da viver vegnia pli e pli pitschen l’enviern.

Chastis per persunas che cuntrafan a las prescripziuns

Las zonas da ruaus èn marcadas cun tablas e pitgas, ed i dat perfin corridors per traversar ellas. Plinavant datti cartas en l’internet. Persunas che cuntrafan dentant a las prescripziuns vegnan chastiadas da la procura publica.
Daniel Bundi appellescha da respectar quest spazi da viver da las selvaschinas e ch’ils sportists duain mo ir sin las rutas uffizialas.