Sco Simon Jacomet ha laschà savair na saja el betg stà involvì en quella decisiun da relaschar il persunal e serrar la manufactura Zai a Mustér.
Co i duai ir vinavant n'è betg cler. A tut il persunal è vegnì scumandà da discurrer cun las medias. Sco il Bündner Tagblatt rapporta, na sa nagin nua che la producziun da skis duess ir vinavant. Cler è sulettamain, che la marca Zai duai exister vinavant. «Dapi la decisiun da serrar sajan pliras autras portas s’avertas» vegn il CEO Benedikt Germanier cità. Per RTR n'è el betg stà cuntanschibel.
La Firma Zai datti dapi 15 onns. RTR ha adina puspè rapportà sur da questa manufactura che producescha skis d’auta qualitad. Ils skis da Zai custan tranter CHF 3’300.- e CHF 9’800.-. Dapi intgin temp producescha Zai era in putter, in bastun da golf. Tenor Benedikt Germanier vegnia la marca Zai dentant dals skis e quai duai era restar uschia.
Ord l'archiv
RTR actualitad 12:00